Kombëtarja e Kosovës në basketboll do të kthehet në Mitrovicë.
Bordi i Federatës së Basketbollit të Kosovës ka vendosur që ndeshjet e fazës së tretë të parakualifikimeve për “EuroBasket 2021” Kosova t’i zhvillojë në palestrën “Minatori” në Mitrovicë, raporton Gazeta Express.
Në këtë mënyrë shtëpia e basketbollit përfundimisht e ka anuluar vendimin që ndeshjet e radhës të Kosovës të zhvilloheshin në Rahovecin e zjarrtë për basketboll.
Përmes një njoftimi për media Federata e Basketbollit e Kosovës ka theksuar se Trepça dhe Komuna e Mitrovicës janë treguar mirëpritës të shkëlqyeshëm në të kaluarën për ndeshjet e Kosovës. Kështu që pritje të njëjtë pret edhe kësaj here.
Parakualifikimet do të zhvillohen nga 3 deri më 21 gusht. Kosova është në grup me Luksemburgun dhe Britaninë e madhe. Fituesi i Grupit do të shkojë në kualifikime.
Britania e Madhe do të zbarkojë në Mitrovicë më 7 gusht, kurse Luksemburgu do të vjen më 14 gusht. /GazetaExpress/
Dy aksidente në pak minuta në autostradën Tiranë-Durrës, vet...
NATO: Anëtarësimi i Kosovës në NATO kërkon konsensusin e 32 ...
Von der Leyen arrin në Serbi, pritet nga Vuçiqi
Ancelotti: Nuk ka favorit në El Clasico, është një lojë e ko...
Balluku takim me të moshuarit në Lushnjë: Zgjerim i shërbime...
Kurti vizitoi për ngushëllime familjen Koshi